ՄԵՐ ՄԱՍԻՆ

1988 թվականի Սպիտակի ավերիչ երկրաշարժի հետևանքների վերացման, ինչպես նաև նոր հասարակական հարաբերությունների գոյավորման աննախադեպ խնդիրներն ակնհայտ դարձրին գործնականում կիրառական հոգեբանության և սոցիալական աշխատանքի դերը։ Համալսարանի ռեկտոր, հոգեբանության դոկտոր, պրոֆեսոր Ս. Սեդրակյանը, օրախնդիր համարելով այդ ոլորտները համապատասխան մասնագետներով համալրելու անհրաժեշտությունը, 1991 թվականին հիմնադրեց գործնական հոգեբանության և սոցիոլոգիայի «ՈՒՐԱՐՏՈՒ» համալսարանը։ Համալսարանն այսօր ՀՀ պետական հավատարմագիր ունեցող առաջատար բուհերից մեկն է, հոգեբանության, սոցիոլոգիայի և սոցիալական աշխատանքի բնագավառի մասնագիտացված միակ հաստատությունը։